eleni?Mae Sul Diogelu 2025 ar 16eg TACHWEDD. Mae'n gyfle gwych i godi ymwybyddiaeth am ddiogelu yn eich eglwys leol mewn modd cadarnhaol a chyfeillgar.
2025 FLYER YMA
Gallwch neilltuo eich gwasanaeth i gyd neu ran ohoni i ddiogelu, neu ddewiswch dyddiad arall!
Mae SUL DIOGELU yn ffordd wych o ddangos bod diogelu yn rhan o'n ffydd mewn Duw cyfiawn a chariadus, codi ymwybyddiaeth o ddiogelu ac alluogi eglwysi i rannu rhywfaint o'r gwaith da y maent yn ei wneud i ofalu am ac amddiffyn pobl.
Mi fydd 2025 y bedwaredd flwyddyn i Undeb yr Annibynwyr Cymraeg, Undeb Bedyddwyr Cymru, Eglwys Bresbyteraidd Cymru a'r Panel Diogelu Cydenwadol annog eglwysi i gynnwys Sul Diogelu yn eu calendr eglwysig blynyddol.
Mae Sul Diogelu yn fenter cychwynodd gan Thirtyone:eight, elusen diogelu Cristnogol sy'n gweithio ac yn ysbrydoli eraill i 'siarad ar ran y y bobl sydd heb llais” fel y dywed yn Diarhebion 31:8 o ble mae eu henw yn dod.
Yn 2022 a 2023 cynhyrchodd y Panel gwasanaeth dwyieithog a ffilm pwrpasol ei hun. Fodd bynnag, yn ystod y blynyddoedd diwethaf rydym yn falch iawn bod Thirtyone:eight, wedi cynhyrchu mwy o adnoddau Cymraeg.
Y llynedd ledled y DU, cymerodd dros 5,000 o eglwysi ran yn y Sul Diogelu. Eleni, gyda'ch help chi, gallwn helpu i godi ymwybyddiaeth a gwneud ein heglwysi yn lleoedd mwy diogel i bawb.
I gymryd rhan, gofrestru am ddim https://safeguardingsunday.org.
Byddwch yn derbyn canllaw ac adnoddau ar-lein i’ch helpu chi cynnal gwasanaeth cyfan, neu ran o wasanaeth, yn hawdd. Mae'n cynnwys gweddïau, nodiadau pregeth, syniadau gweithgareddau, adnoddau plant a mwy.
Darllenwch y cwestiynau cyffredin yma am ragor o wybodaeth
Ewch i https://safeguardingsunday.org/ i gofrestru a lawrlwytho adnoddau newydd ar gyfer 2025!
Dyma rhai o fanteision o gynnal gwasanaeth...
fel nodwyd gan ' Thirtyone:eight (thirtyoneeight.org) :
- ymwybyddiaeth well o ddiogelu ymhlith aelodau'r eglwys gyda chynnydd yn y niferoedd sy'n teimlo eu bod yn gallu siarad am eu cam-drin am y tro cyntaf.
- Pobl ychwanegol yn gwirfoddoli ar gyfer swyddi diogelu a gwaith plant ac ieuenctid.
- Mwy o bobl yn cwblhau hyfforddiant diogelu a gwiriadau cofnodion troseddol.
- Mwy o arweinwyr diogelu yn teimlo eu bod yn cael eu cefnogi yn eu rôl gan yr Eglwys.
ADNODDAU O FLYNYDDOEDD BLAENOROL:
Nid ydym yn darparu adnoddau ein hunan elen gan bod na chymaint o adnoddau gwych gan thirtyone eight gan gynnwys pethau Cymraeg, ond mae ein adnoddau ni dal ar gael isod
GWASANAETH DIOGELU 2023 - dogfen word
GWASANAETH DIOGELU 2023 - PDF gan Ifan Alun Puw, Llanuwchllyn
Ffilm Gweddi Sul Diogelu 2023 Diolch yn fawr i ‘r Parchedig Robin Samuel am ysgrifennu’r weddi a Rhodri Darcy am gynhyrchu ffilm mewn modd mor sensitif. Ac wrth gwrs diolch mawr i bawb wnaeth cyfrannu gan gynnwys nifer o’n hyfforddwyr diogelu.Noder - mae'r gwasanaeth uchod yn cynnwys ddolen i'r ffilm a trawsgrifiad o'r gweddi
Mae ar gael yma https://youtu.be/POvlNIOjR8U?si=mHpKVfGjQX-6wl2Q
Dyma adborth gan un capel a ddefnyddiodd y ffilm:
"Gwerthfawrogwyd y cyfle i ddefnyddio’r ffilm Gymraeg a baratowyd gan y Panel ar gyfer Sul Diogelu eleni. Roedd yn ffordd hwylus iawn o allu cadarnhau a phwysleisio pwysigrwydd diogelu yn gyffredinol oddi fewn i’r eglwys, a’r ffaith ei fod ar ffurf ffilm yn codi proffil diogelu mewn ffordd mwy effeithiol nag a fyddai wedi bod yn dod ar lafar gan un o arweinyddion yr eglwys."
Mi fydden ni wrth ein boddau yn cael gwybod os ydych yn bwriadu cynnal unrhyw weithgareddau Sul Diogelu. Cysylltwch â ni i adael i ni wybod:
Sut i gymryd rhan eleni:
Cofrestrwch gyda thirtyoneeight.org a lawrlwytho'r adnoddau am ddim, gan gynnwys adnoddau Cymraeg a dewis eang o syniadau a gweithgareddau ar gyfer plant.
Dywedodd Justin Humphreys, Cyd-Brif Weithredwr Thirtyone:eight: "Ni allwn anwybyddu'r camdriniaeth sydd wedi digwydd o fewn yr Eglwys... mae Sul Diogelu yn gyfle i daflu goleuni ar y gwaith mae cymaint o eglwysi'n ei wneud i greu mannau o addoli yn fwy diogel. Rhaid i ni beidio anghofio bod amddiffyn pobl fregus wrth wraidd y neges Gristnogol o gyfiawnder a gobaith. Rwyf am ddiolch i bawb sy'n gwneud y gwaith hanfodol hwn ac i rai sy’n gymryd rhan yn yr ymgyrch eleni i godi ymwybyddiaeth o bwysigrwydd diogelu yn ein heglwysi a'n cymunedau."